2016-ci il dekabrın 9-u və 10-da Xəzər Universitetində Azərbaycan Respublikasının Prezidenti yanında Gənclər Fondunun maliyyə, Y-PEER Azərbaycan şəbəkəsinin və Xəzər Universiteti Əlilliyi olan Tələbələr Mərkəzinin təşkilatı dəstəyi ilə “Əlçatan təhsil –Əlçatan gələcək” layihəsi çərçivəsində təşkil olunmuş təlim kursu keçiriləcək.

Təlimin əsas məqsədi inklüziv təhsillə bağlı məlumatlandırma, əlilliyi olan insanlarla işləyərkən, onlara olan düzgün pedaqoji yanaşma və davranışın inkişaf etdirilməsidir.

İki günlük təlim zamanı, iştirakçılar qeyri-formal təhsil metodları vasitəsilə yeni bilik və bacarıqlara yiyələnəcək və bu təcrübəni öz həmyaşıdları ilə paylaşmaq şansı əldə edəcəklər.

Təlimlərdə iştirak etmək üçün 18-25 yaş arası gənclər, pedaqoji təhsil alanlar və ya pedaqoji təhsili olanlar, özünü gələcək təlimçi və ya təhsil işçisi kimi görənlər, əlilliyi olan uşaqlarla çalışarkən yeni yanaşma və bacarıqlar öyrənmək istəyən gənclər müraciət edə bilər.

Təlimlər hər gün saat 14:00-dan 18:00-dək Azərbaycan dilində keçiriləcək. Təlimdə iştirak ödənişsizdir. İştirakçılar çay fasiləsi və sertifikatla təmin olunacaqlar.

Əlavə məlumat üçün layihə rəhbəri Səadət Abdullazadə ilə əlaqə saxlamaq olar:

E-mail: abdullazadasaadat@gmail.com.  Telefon: (055) 598-72-19 (mobil).