İyunun 3-də Xəzər Universitetinin rektoru Hassan Niknafsın sədrliyi ilə universitet elmi şurasının növbəti iclası keçirildi. İclasın gündəliyinə əsasən məzunluq haqqında fakültə dekanları Hassan Niknafs, İnqilab Əhmədov, Cabir Xəlilov və Elza Səmədovanın, doktoranturaya (dissertanturaya) qəbul olunmuş şəxslərin dissertasiya mövzuları və elmi rəhbərlərinin təsdiq edilməsi, Dillər və mədəniyyətlər departamentinin müəllimi Zivər Hüseynlinin dosent vəzifəsinə seçilməsi barədə universitetin Magistratura, doktorantura və elmi işlər bölməsinin müdiri Eldar Şahgəldiyevin məlumatları dinlənildi və müvafiq qərarlar qəbul edildi.

Cari məsələlər qismində Tələbə Məclisinin prezidenti Qurban Əsgərov və müavini Tərlan Məmmədlinin, Siyasi elm və beynəlxalq münasibətlər departamentinin müdiri Muxtar Hacızadənin universitet həyatı ilə bağlı təklifləri dinlənildi və onların öyrənilərək qərarlar qəbul ediləcəyi bildirildi.