2022-ci il noyabrın 3-də Xəzər Universitetində Edu Company Təhsil Şirkətinin idarə heyəti ilə görüş keçirilib. Universitetin İdarəetmə və tələbələrlə iş üzrə prorektoru, filologiya elmləri doktoru İsaxan İsaxanlı qonaqları salamlayıb və görüşü giriş sözü ilə açıb. Prorektor təhsil müəssisələrinin qarşılıqlı əməkdaşlığının zəruriliyi və əhəmiyyətini vurğulayıb. Universitetin professor-müəllim heyəti, maddi-texniki bazası, tələbə kontingenti və potensialı haqda geniş məlumat verib.
Universitetin İctimai əlaqələr və media üzrə direktoru Əlövsət Əmirbəyli universitetin beynəlxalq səviyyəli nüfuzu, ixtisaslar və məzunların iş imkanları barədə fikirlərini bölüşüb. Dillər və ədəbiyyatlar departamentinin müəllimi Ülvi Babasoy Xəzər Universieti haqda təqdimatla çıxış edib.
Edu Company Təhsil Şirkətinin təsisçisi və baş direktoru Samir Əzizov çoxşaxəli təhsil xdmətləri göstərən şirkətin yaranma tarixi, tədris prosesi, sınaq imtahanları və təhsillə bağlı layihələri haqqında geniş məlumat verib. Sonra Edu Company Təhsil Şirkətinin Neftçilər filialının direktoru Kənan Məmmədrzayev və Əhmədli filialının direktoru Səbuhi Musayev təhsillə əlaqəli yeni təklif və layihələrlə çıxış ediblər. Sonda tərəflər ortaq layihələrin keçirilməsi ilə bağlı razılığa gəliblər.