“Molecular detection of antimicrobial resistance in bacterial (Salmonella spp, Enterococcus and E. coli) strains isolated from chicken meat and eggs in Azerbaijan” tədqiqat işi ABŞ-ın Fullbright proqramının qalibi olub.
Tədqiqat işi 2018-2020-ci illəri əhatə etməklə Xəzər Universitetinin maliyyə dəstəyi ilə universitetin Həyat elmləri departamentinin hüceyrə patologiyasını öyrənən laboratoriyasında başlanılmış və marketlərdə satılan toyuq və yumurtadan 3 cinsdən (Salmonella spp, Enterococcus and E. coli) 8 antibiotikə davamlı bakteriya izolyasiya olunmuşdur. Tədqiqat universitetin rektoru dosent İradə Xəlilovanın rəhbərliyi ilə, departamentin müdiri Asəf Ömərov, müəllimi Cavid Ojaqi və doktorantura tələbələri Mujan Sərpoush və Həvva Adli tərəfindən aparılmışdır.
Tədqiqatın nəticələri I və II Vahid sağlamlıq konferanslarında, “Baytarlıq elminin inkişaf istiqamətlərində innovasiyaların tətbiqi” mövzusunda beynəlxalq elmi-praktiki konfransda və “American Society for Microbiology (ASM) meeting 2020 in Chicago, USA” konfransında məruzə edilmiş və “Khazar Journal of Scıence and Technology“ buraxılışlarında dərc olunmuşdur. Tədqiqatın II mərhələsi - ayrılmış bakteriyaların molekulyar bioloji metodlar ilə tədqiqi Fullbright proqramının maliyyə dəstəyi ilə ABŞ-ın Texas Teylor Universitetinin professoru Ali Asghan`in rəhbərliyi ilə TU laboratoriyasında aparılacaqdır.