Xəzər Universiteti, başqa ali məktəblərdən köçürülən tələbələrdən İngilis dili imtahanını verməyi tələb edir. Ərizəçilər TOEFL nəticəsini təqdim etməli və ya Xəzər Universitetinin İngilis dili üzrə xüsusi imtahanını verməlidirlər.
Ərizəçilər əvvəlki təhsilləri haqqında sənədlər təqdim etməlidirlər. Qəbul və Tələbə Şöbəsi, uyğun fakültə dekanlığı ilə birgə tələbənin əvvəlki təhsili haqqında sənədlərini araşdırır, akkreditə olunmuş ali məktəb tərəfindən verilmiş transkriptdə göstərilən fənlərin Xəzər Universitetinin tədris proqramına uyğunluğunu və uyğun gələn fənlər üzrə kredit hesablanması mexanizmini müəyyənləşdirir. Köçürülən tələbələr bütün dərəcə tələblərini yerinə yetirməlidirlər. Məzunluq üçün lazım olan kreditlərin ən azı yarısı Xəzərdə qazanılmalıdır. Xüsusi hallarda fakültələr fərqli siyasət həyata keçirə bilər. Köçürülmə sənədlərinin araşdırılması və tam hazırlanması üçün tələbə Universitet xəzinəsinə 50 (əlli) manat məbləğində pul ödəməlidir.
Universitetdə təhsil alan tələbə Universitetin qaydaları çərçivəsində başqa ali məktəbə köçürülmək üçün müraciət edə bilər. Xəzər Universitetindən başqa ali məktəbə köçürülmə prosesi Universitə rektorunun 17 iyun 2003-cü il tarixli, T/05 saylı əmri ilə tənzimlənir.
Ə M R № T/ 05
Bakı şəhəri 17 iyun 2003-cü il
Tələbələrin başqa ali məktəblərə köçürülmələrinin Azərbaycan Respublikası Təhsil Nazirliyinin 07.08.1996-cı il tarixli, 402 saylı əsasnaməsinə uyğun tənzimlənməsi məqsədilə
ƏMR EDİRƏM
Azərbaycan Respublikası Təhsil Nazirliyinin 07.08.1996-cı il tarixli, 402 saylı əsasnaməsinə görə tələbələrin bir ali məktəbdən başqa ali məktəbə köçürülməsi yalnız qış və yay tətili dövründə mümkün olduğundan:
Əmrin icrasına nəzarət Rektor Assistenti İsaxan İsaxanlıya həvalə edilsin.