Bioloji elmlər
Xəzər Universitetinin Bioloji elmlər departamenti və Hüceyrə Patalogiyası üzrə Tədqiqat Mərkəzi İsveçin Uppsala Universitetində Biotibbi mərkəzi ilə əməkdaşlıq edir. Gələcəkdə universitetlər arasında tədqiqat və müştərək proqramlarla bağlı layihələr nəzərdə tutulur.
Xəzər Universiteti Bioloji elmlər departamentinin müdiri və Hüceyrə Patologiyası Tədqiqat Mərkəzinin direktoru Dr. İradə Xəlilova Erasmus+ mobillik qrantı üzrə Fransanın Montpellier Universitetində Odontolgiya fakültəsinin Biologiya, səhiyyə və nanotexnologiya tədqiqat laboratoriyasında (Faculty of Odontology, Research Laboratory of Biology, Health and Nanoscience) “Mezenxim kök hüceyrələrinin osteoblastlara çevrilməsi və diş toxumasının regenerasiyasında biomaterial ilə birgə istifadə edilməsi” haqda tədqiqat işi aparmışdır.
Neft mühəndisliyi
Neft mühəndisliyi departamenti hal hazırda “Neft kollektor süxurlarının islanma qabiliyyətinin dəyişməsinin nəzəri və eksperimental tədqiqi və onun karbohidrogen hasilatına mümkün təsiri” adlı tədqiqat layihəsi üzərində çalışır. Layihə iki il müddətində həyata keçiriləcək. Layihə çərçivəsində Xəzər Universiteti AMEA-nın Neft və Qaz İnstitutu, Azərbaycan Dövlət Neft və Sənaye Universiteti, Bakı Ali Neft Məktəbi və Azərbaycan Neft Mühəndisləri İctimai Birliyinin alim və mütəxəssisləri ilə əməkdaşlıq edir.
Neft mühəndisliyi departamenti və onun nəzdində olan “EİLİNK” Tədqiqat və və İnkişaf Mərkəzi hal hazırda sənaye şirkətlərinin sifarişləri əsasında bir sıra tədqiqat layihələri yerinə yetirir.
Coğrafiya və Ətraf Mühit
Xəzər Universitetinin Coğrafiya və Ətraf departamenti müxtəlif tədqiqat layihələrində iştirak edir. Təhsil və tədqiqat layihələri aparıcı beynəlxalq və regional universitetlərlə əməkdaşlıq çərçivəsində həyata keçirilir. Departamentin rəhbəri coğrafiya elmləri üzrə fəlsəfə doktoru Rövşən Abbasovdur. Departament hazırda aşağıdakı tədqiqat layihələri ilə məşğul olur:
Təhsil
Xəzər Universiteti Təhsil fakültəsi təhsillə bağlı müxtəlif tədqiqat və fəaliyyətlə məşğul olur və bununla əlaqədar Təhsil Nazirliyi və bəzi özəl təhsil müəssisələri ilə əməkdaşlıq edir.
Departamentin tədqiq etdiyi sahələrə aşağıdakılar daxildir.