Təbiət elmləri, Sənət və Texnologiya yüksək təhsil fakültəsi

Haqqında

Təbiət elmləri, Sənət və Texnologiya yüksək təhsil fakültəsi Universitetin rektorunun 30 sentyabr 2020-ci il tarixli U/290 nömrəli əmrinə əsasən, magistratura ve doktorantura səviyyəsində tədrisin keyfiyyətinin yüksəldilməsi, yüksəkixtisaslı mütəxəssislərin, elmi ve elmi-pedaqoji kadrların hazırlanması məqsədilə Magistratura, doktorantura və elmi işlər bölməsinin bazası əsasında yaradılmışdır.

Missiya

Fakültənin əsas missiyası ölkənin davamlı inkişafı üçün zəruri və əhəmiyyətli olan ixtisaslar üzrə sərbəst fəaliyyət göstərə biləcək mütəxəssislərin, habelə yüksəkixtisaslı elmi və elmi-pedaqoji kadrların hazırlanmasıdır. Fakültə öz vəzifəsini yerinə yetirərkən magistr və fəlsəfə doktoru hazırlığı haqqında Universitetin daxili qaydalarının, Azərbaycan Respublikasının Elm və Təhsil Nazirliyi tərəfindən müəyyən edilmiş müvafiq qayda və qərarların, habelə Azərbaycan Respublikası Prezidenti yanında Ali Attestasiya Komissiyasının tələblərinin yerinə yetirilməsinə əsas tutur.

Akademik proqramlar

Təbiət elmləri, Sənət və Texnologiya yüksək təhsil fakültəsi magistratura və doktorantura pilləsi üzrə dərəcə proqramları təklif edir. Fakültədə tədris dili əsasən ingilis, bəzi ixtisaslar üzrə isə Azərbaycan dilidir. Fakültənin bütün magistratura və doktorantura proqramları beynəlxalq standartlara cavab verir. Fakültədə tədris və tədqiqat prosesində həm yerli, həm də müxtəlif xarici ölkələrin yüksək ixtisaslı mütəxəssisləri iştirak edir.