Peşə İnkişaf Mərkəzi 18 iyun 2001-ci ildə ABŞ-ın Avrasiya Fondu tərəfindən maliyyələşdirilən “Xəzər Universitetində 1999-2001-ci illərdə Karyera Mərkəzinin İnkişafı Layihəsi” çərçivəsində yaradılmışdır. Böyük Britaniyanın Nottingham Trent Universitetinin karyera ekspertləri yeni yaradılmış Mərkəzin əməkdaşlarına təlimlər keçərək və Mərkəzə kitabxana materialları hədiyyə edərək daimi dəstək göstərmişlər. 01 dekabr 2023-cü ildən etibarən Peşə İnkişaf Mərkəzinin bazasında Karyera və Məzunlar Mərkəzi fəaliyyətə başlamışdır.

Mərkəzin başlıca vəzifəsi təhsilalanları və məzunları peşəkar iş həyatına hazırlamaq; onların şəxsi və karyera inkişaflarına dəstək olmaq; işəgötürənlərlə sıx əməkdaşlıqlar quraraq təhsilanlara və məzunlara təcrübə və iş imkanları yaratmaq; Universitetlə məzunlar arasında qarşılıqlı əlaqələri inkişaf etdirməkdir.