Bakalavr dərəcəsi üçün qoyulan tələblər:

Bakalavr dərəcəsi üzrə tələbələr müəyyən krediti toplayaraq ixtisasları üzrə lazımi tələblərə cavab verməlidir. Belə ki, təhsilin tamamlanması üçün ümumilikdə 132 kredit (264 AKTS), ixtisas üzrə isə 72 kredit (154 AKTS) toplamalıdır.

Hər bir tələbə Bakalavr dərəcəsini bitirmək üçün lazım olan 3 əsas tələbi yerinə yetirməlidir:

Universitet tələbləri

Ümumtəhsil tələbləri

İxtisasla bağlı tələblər

Universitet tələbləri: Ümumi 27 kreditdən (54 AKTS) ibarət olan İngilis dili və Azərbaycanşünaslıq bölməsidir.

İngilis dili bölməsi 15 kreditdən (30 AKTS) ibarətdir:

Eşidib anlama və nitq Oxuyub anlama və yazı-1 (4 kredit) 8 AKTS

Eşidib anlama və nitq Oxuyub anlama və yazı-2 (4 kredit) 8 AKTS

Eşidib anlama və nitq Oxuyub anlama və yazı-3 (4 kredit) 8 AKTS

Azərbaycanşünaslıq bölməsi 12 kreditdən (24 AKTS) ibarətdir:

Azərbaycan dili-1 (3 kredit) 6 AKTS

Azərbaycan ədəbiyyatı-1 (3 kredit) 6 AKTS

Azərbaycan mədəniyyəti (3 kredit) 6 AKTS

Azərbaycan tarixi (3 kredit) 6 AKTS

Xüsusi sahələr üçün Xüsusi İngilis dili (ESP) (3 kredit) 6 AKTS

Ümumtəhsil tələbləri: Minimum 21 kreditdən (42 AKTS) ibarət olan 3 əsas hissəni təşkil edir.

Ümumtəhsil tələbləri bakalavr dərəcəsi üzrə təhsil alan tələbələrə ixtisasdan əlavə müxtəlif elmi sahələri öyrənməyi təşkil edir. Tələbənin ixtisasının mahiyyətindən asılı olmayaraq, ümumtəhsil tələbləri tələbələrin intellektual perspektivlərini genişləndirmək və gələcəkdə cəmiyyətdə ali-təhsilli bir şəxs kimi yetişmək imkanı verir. İxtisas fənləri ilə yanaşı, tələblər artıq birinci və ikinci kursdan etibarən ümumtəhsil tələblərinin təklif etdiyi fənləri götürürlər. Aşağıda qeyd olunan 3 hissədən ibarət olan ümumtəhsil tələbləri bölməsində 21 kredit (42 AKTS) tamamlanmalıdır:

Humanitar

Sosial elmlər

Elm və Texnologiya

Humanitar bölmə: Bu bölmədə əsasən Ədəbiyyat, Dil və Dilçilik, Fəlsəfə, Tarix, Mədəniyyət və Sivilizasiya, İncəsənət və İncəsənət tarixi kimi fənnlər təklif edilir. Tələbələrdən bu sahə üzrə hər kurs 3 kredit (6 AKTS) olmaq şərtilə ən azı 2 kursu yəni, 6 krediti (12 AKTS) bitirmələri tələb olunur.

Sosial bölmə: Bu bölmədə Coğrafiya, Siyasi elmlər, Beynəlxalq münasibətlər, Hüquq və Hökumət, Antropologiya, İqtisadiyyat, Sosiologiya və Psixologiya kimi fənlər təklif olunur. Tələbələrdən bu sahə üzrə hər kurs 3 kredit (6 AKTS) olmaq şərtilə ən azı 2 kursu yəni, 6 krediti (12 AKTS) bitirmələri tələb olunur.

Elm və Texnologiya bölməsi ümumtəhsil tələbinin əsas hissələrindən biri olmaqla yanaşı, 3 hissəyə bölünür:

Fiziki Elmlər və Riyaziyyat

Həyat elmləri

Kompüter elmləri

Tələbələr - Riyaziyyat, Kompüter Elmi, Fizika, Kimya, Astronomiya, Coğrafiya və Ətraf mühitlə bağlı fənlər, Geologiya, Bioloji Elmlər və Antropologiya, Tibb Elmlərinə aid fənlərdən keçərək bu bölməni bitirə bilərlər. Tələbələr bu sahə üzrə hər kurs 3 kredit (6 AKTS) olmaq şərtilə ən azı 3 kursu keçərək 9 kredit (18 AKTS) toplamalıdırlar. Təklif olunan fənlərdə tətbiq olunan metodlardan və kursların mahiyyətindən asılı olaraq fənlər müxtəlif bölümlərə də aid ola bilər. Misal olaraq, Antropologiya, Psixologiya və Coğrafiya, Sosial elmlər bölümünə, eyni zamanda da Təbiət Elmləri bölümünə aid ola bilər.