Hazırda Humanitar, Təhsil və Sosial Elmlər fakültəsi Xəzər Universitetində bakalavriat səviyyəsində 13, magistratura səviyyəsində 15 və doktorantura səviyyəsində 14 ixtisas üzrə təhsil verən ən böyük fakültədir.

Fakültədəki 8 bakalavr və 11 magistr ixtisası üzrə tədris İngilis dilində aparılır. 2019/2020 tədris ilindən etibarən “İbtidai sinif müəllimliyi”, “Klinik psixologiya” və “Ümumi  psixologiya” ixtisası İngilis dilində də tədris olunacaq. Eyni zamanda ixtisasdan asılı olaraq tələbələrə ikinci xarici dil kimi Alman, Fransız, Çin, Ərəb, Fars və digər dilləri seçmək imkanı yaradılır.

Dünyanın müxtəlif ölkələrində fəaliyyət göstərə biləcək, yüksək ixtisaslı mütəxəssislər olacaq tələbələrə dil dərsləri tədris olunmaqla yanaşı, onların öz sahə və profillərinə uyğun arzularını reallaşdıra biləcək ixtisas seçmə fənlər də təqdim olunur. Beləliklə, fakültəmizdə öz peşəsinin əsl mütəxəssisi olan, innovativ metodlarla işləyən müəllimlər tərəfindən təşkil olunmuş yaradıcı, effektiv və keyfiyyətli tədris mühiti yaranmış olur.