Oktyabrın 15-də saat 15:30-da, 206 OLD otağında Xəzər Universitetinin Karyera və Məzunlar Mərkəzi tərəfindən “Məzunlarla Görüşlər” çərçivəsində “DevOps: Koddan Production-a — Real Layihələr və Karyera İmkanları” mövzusunda seminar keçiriləcək. Seminar universitet məzununun peşəkar təcrübəsinin tələbələrlə paylaşılmasına və DevOps sahəsi haqqında məlumat mübadiləsinə imkan verəcək.

Seminarın məruzəçisi Xəzər Universitetinin məzunu, İKTEX şirkətinin baş DevOps mühəndisi Aslan Aslanlı olacaq. Məruzəçi peşəkar təcrübəsini bölüşərək kodun hazırlanmasından istehsal mühitində istifadəyə verilməsinədək olan proseslər, real layihələr və DevOps sahəsində karyera imkanları barədə məlumat verəcək. Mövzu praktik təcrübə və real iş mühitində qarşıya çıxan məsələlər əsasında təqdim olunacaq.

Seminar iştirakçılara DevOps sahəsinin praktik tərəfləri ilə tanış olmaq, proqram təminatının hazırlanması və tətbiqi arasındakı əlaqəni daha yaxından anlamaq imkanı yaradacaq. Seminarda paylaşılacaq təcrübələr bu sahəyə maraq göstərən tələbə və məzunların peşəkar inkişaf istiqamətlərini və gələcək karyera seçimlərini dəyərləndirməsinə kömək edəcək.