Hörmətli həmkarlar və əziz tələbələr,

Sizi məlumatlandırırıq ki, 21 aprel saat 15:00-da Kitabxana-İnformasiya Mərkəzində Lətifə Orucun müəllifi olduğu “Sirli gedişlər” kitabının müzakirə görüşü keçiriləcəkdir.

Tədbir çərçivəsində avtobioqrafik janrda qələmə alınmış bu əsər ətrafında müzakirələr aparılacaq, müəllif öz həyat yolu, kitabın yazılma prosesi və əsərdə əks olunan əsas ideyalar barədə iştirakçılarla fikir mübadiləsi edəcəkdir. Əsərdə çətin sosial şəraitdə böyüyən bir ailənin qızlarının təhsil vasitəsilə əldə etdikləri nailiyyətlər və müasir cəmiyyətdə qazandıqları mövqe dolğun şəkildə təsvir olunmuşdur.

Maraqlanan bütün əməkdaş və tələbələr tədbirdə iştirak etməyə dəvət olunur.