“Ədəbiyyat səyyahları” (klv.az) saytı Dillər və ədəbiyyatlar departamentinin təşəbbüsü ilə Xəzər Universitetinin 35 illik yubileyi çərçivəsində müsabiqə elan edir.

Müsabiqənin məqsədi universitetin 35 illik akademik və mənəvi inkişaf yoluna işıq tutmaq, “Xəzər”lə bağlı şəxsi xatirələri, təcrübələri, müəllim – tələbə münasibətlərini, akademik mühiti, fərdi inkişaf hekayələrini və ədəbi düşüncələri yazılı formada toplamaqdır.

Müsabiqə aşağıdakı istiqamətlər üzrə keçirilir:

1. Esse / Məqalə
2. Hekayə
3. Şeir

İştirak şərtləri:

1. Müsabiqədə Xəzər Universitetinin əməkdaşları, məzunları, tələbələri ilə bərabər hər bir qələm adamı iştirak edə bilər. Yaş məhdudiyyəti yoxdur.
2. Təqdim olunan işlər yeni olmalı və daha əvvəl çap olunmamalıdır.
3. Mətnlər Azərbaycan dilində, Word formatında, Times New Roman şriftində, 14 ölçüdə və 1,5 sətirarası intervalla təqdim edilməlidir.
4. Hər iştirakçı hər kateqoriya üzrə yalnız 1 yazı təqdim edə bilər.
5. Müsabiqədə yer tutmayan müəlliflərin məktub və göndərişlərinə geri dönüş edilməyəcək. Müsabiqədə yer tutmuş müəllif mətnləri klv.az saytında və “Xəzər-xəbər” jurnalında dərc ediləcək.
6. İşlər münsiflər heyətinə anonim şəkildə təqdim olunacağı üçün iştirakçılar mətnləri göndərərkən ad və soyadlarını, şərti adlarını, qısa tərcümeyi-hallarını, əlaqə nömrələrini və ünvanlarını ayrıca faylda qeyd etməlidirlər.

(Şəxsiyyət vəsiqəsinin surəti qaliblərin müəyyənləşdirilməsindən sonra tələb oluna bilər).

Yazılar aşağıdakı elektron poçt ünvanına göndərilməlidir:

khazar.musabiqe35@gmail.com

Müsabiqədə iştirak 1 oktyabr 2026-cı il tarixində yekunlaşdırılacaq. Qaliblərin elan ediləcəyi tarix və rəsmi tədbir barədə əlavə məlumat veriləcək.

İnformasiya və təşkilati dəstək: “Ədəbiyyat səyyahları” (klv.az) saytı; “Xəzər-xəbər” jurnalı; “525-ci qəzet”; “Ədalət” qəzeti; adalet.az, 525.az saytları; Xəzər Universiteti.

Mükafatlar

Hekayə üzrə

I yer – 500 AZN

II yer – 400 AZN

III yer – 300 AZN

Esse / Məqalə üzrə

I yer – 400 AZN

II yer – 300 AZN

III yer – 200 AZN

Şeir üzrə

I yer – 300 AZN

II yer – 200 AZN

III yer – 150 AZN

Müsabiqə ilə bağlı suallar üçün: Tel: 055 731 58 88