Xəzər Universitetinin Psixologiya departamentinin təşkilatçılığı ilə 24–25 aprel 2026-cı il tarixlərində Azərbaycan X Beynəlxalq Psixologiya Konfransı keçiriləcəkdir.

Konfransda müxtəlif ölkələrdən dəvət olunmuş alim və mütəxəssislərin iştirakı nəzərdə tutulur. Tədbir iki gün davam edəcək və nəzəri (elmi məruzələr, panel müzakirələr) və praktiki (workshop və təlimlər) hissələrdən ibarət olacaqdır.

Konfransın əsas missiyası yerli və xarici alimlər, tədqiqatçılar və mütəxəssislər arasında əməkdaşlığın gücləndirilməsi, innovativ yanaşmaların təşviqi və beynəlxalq səviyyədə bilik mübadiləsinin genişləndirilməsidir. Eyni zamanda tədbir ölkəmizdə psixologiya elminin və praktikasının inkişafına töhfə verməyi hədəfləyir.

Konfransın vizyonu Azərbaycanda, psixologiya sahəsində fəaliyyət göstərən alim, tədqiqatçı, mütəxəssis və tələbələri bir araya gətirərək fənlərarası əlaqələri genişləndirmək, mədəni müxtəlifliyi təşviq edən və eləcə də ictimai rifahın yüksəldilməsinə xidmət edən elmi tədqiqatları ön plana çıxarmaqdır.

Konfrans psixologiyanın müxtəlif istiqamətlərini, klinik psixologiya, təhsil psixologiyası, sosial psixologiya, neyroelm, uşaq psixologiyası və digər sahələri əhatə edəcəkdir.

Bütün maraqlanan şəxsləri konfransda iştirak etməyə dəvət edirik.

Qeydiyyat üçün link:
https://docs.google.com/forms/d/e/1FAIpQLScSHK5VVcY2pZIahHosCcz-31bjhaQgACLx6ybu6b5g6IcAXw/viewform