Elmi və Təşkilat Komitələri adından sizi Sağlamlığın Vahidliyi: Problemlər və Həll Yolları mövzusunda 4-cü Beynəlxalq Konfransa dəvət edirik. Konfrans 2025-ci il noyabrın 28-29-da Azərbaycanın gözəl şəhəri Bakıda Xəzər Universitetində keçiriləcək.

"Planetar Sağlamlıq Sistemlərinin Dəyişməsi üçün Yerli və Regional Sistemlərin Transformasiyası" mövzusuna xüsusi diqqət yetirən tədbir Xəzər Universitetinin qürur duyduğu və aktiv üzvü olduğu Planetar Sağlamlıq Alyansının (PHA) 10-cu ildönümünü qeyd edir.

Bu konfrans bir sıra nüfuzlu milli və beynəlxalq tərəfdaşlarla əməkdaşlıq çərçivəsində təşkil olunur. Birgə təşkilatçılarımız Azərbaycan Tibb Universiteti, Vəli Axundov adına Azərbaycan Milli Tibbi Profilaktika Elmi-Tədqiqat İnstitutu, Azərbaycan Respublikasının Qida Təhlükəsizliyi Agentliyi, İsveç Kənd Təsərrüfatı Elmlər Universitetinin (SLU) Molekulyar Elmlər Departamenti (İsveç İnstitutu SI, Baltik Dənizi Qonşuluq Proqramı tərəfindən dəstəklənən LEARNSAVE layihəsinin bir hissəsi, 01236/2023), Qazax Milli Aqrar Tədqiqat Universiteti və Qafqaz Universitetlər Assosiasiyasıdır.

Tədbir insan, heyvan və ətraf mühit sağlamlığı arasındakı mürəkkəb əlaqələri, iqlim dəyişikliyinin təsirini, sağlamlığa qarşı süni təhdidləri, xəstəliklərə nəzarəti, davamlı və dözümlü qida sistemlərini əhatə edəcək. Bundan əlavə, konfrans uzunmüddətli planetar davamlılığı təmin etmək üçün həyata keçirilməsi zəruri olan təcili, sübutlara əsaslanan tədbirlər və həll yollarına diqqət yetirərək ən yaxşı təcrübələrin paylaşılması və müzakirəsi üçün platforma təqdim edəcək.

Bu çoxşaxəli məsələləri effektiv şəkildə həll etmək üçün konfrans üç strateji məqsədə yönələcək:

1. Sağlamlığın Vahidliyi Problemlərinin Həllində Gələcək Liderlərin Yetişdirilməsi: Real dünya problemlərinin həlli məqsədi ilə mentorluq, təlim və birgə layihələr vasitəsilə Planetar Sağlamlıq sahəsində yeni lidərləri gücləndirməyə və birləşdirməyə yönəlmiş möhkəm Gənclər Liderlik Proqramının layihələndirilməsi və işə salınması.
2. İcma Tərəfindən İdarə Olunan Problemlərin Həllinə İmkan Yaradılması: Regional icmalara onların xüsusi ehtiyaclarına uyğun davamlı, yerli əsaslı Planetar Sağlamlıq həllərini işləyib hazırlamaq və həyata keçirmək üçün zəruri maliyyə və dəstək təmin edən İcma Fəaliyyət Qrant mexanizminin yaradılması.
3. İncəsənət və Humanitar Elmlər vasitəsilə Dialoq və Baxışın İnkişaf Etdirilməsi: Sağlamlığın Vahidliyi problemlərini yaradıcı şəkildə araşdıran və sağlam, təhlükəsiz və ədalətli dünya üçün ortaq istəkləri çatdıran birgə bədii və rəqəmsal layihələrin inkişafına dəstək verilməsi.

Sponsorlar və Eksponentlər üçün Çağırış

Konfrans sponsorlar və eksponentlər üçün şirkətlərin ən son xidmət və məhsul portfelini nümayiş etdirmək və təbliğ etmək üçün unikal fürsətdir. Erkən bron tövsiyə olunur.

Şifahi və poster təqdimatlar

Elmi Təşkilat Komitəsi şifahi və poster təqdimatlar üçün xülasələr seçəcək. Xülasələr konfrans səhifəsində onlayn təqdim edilməlidir.

Bütün posterlər A4 PDF formatında qeydiyyat üçün contact@onehealth.az/en ünvanına göndərilməlidir.

Poster təqdimçıları öz çap olunmuş posterlərini konfransa gətirməli, noyabrın 28-də saat 10:00-dan etibarən noyabrın 29-na qədər quraşdırmalı və qəhvə fasilələri zamanı posterlərinin yanında durmalıdırlar. Poster təqdimatı zamanı Elmi Komitə qiymətləndirmə əsasında ən yaxşı posteri seçəcək. Poster formatı Portret rejimində, hündürlüyü 120 sm və eni 100 sm olmalıdır.

Materiallar/nəşrlər

Materiallar elmi resenziyalı jurnalın xüsusi buraxılışlarından birində, həmçinin Konfransın elektron kitabında dərc olunacaq. Müəlliflər hər təqdimat üçün bir məqalə təqdim edə bilərlər.

Qeydiyyat və ətraflı məlumat üçün veb saytımıza daxil olun:

https://onehealth.az/en/