Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı çərçivəsində ADA Universiteti və ABŞ-nın Corc Vasinqton Universiteti birgə aşağıdakı ikili diplom proqramlarını təqdim edir:

• Elektrik mühəndisliyi və elektroenergetika
• Kompüter elmləri və verilənlərin təhlili
• Kompüter mühəndisliyi və yüksək məhsuldarlıqlı hesablama sistemləri

Bu proqramlar barədə daha ətraflı məlumat vermək məqsədilə 15 oktyabr 2025-ci il, saat 14:30-da Corc Vasinqton Universitetinin professor-müəllim heyətinin Xəzər Universitetinə səfəri planlaşdırılıb.

Tədbir çərçivəsində:

• Tələbələrə ikili diplom proqramları və təhsil imkanları barədə təqdimatlar keçiriləcək;
• Aşağıdakı mövzularda ingilis dilində seminarlar təqdim olunacaq:

Dr. Can Korman (Corc Vasinqton Universiteti, Elektrik və Kompüter Mühəndisliyi kafedrası, professor)
Seminar mövzusu: "Opportunities in Electrical/Power Engineering & High-Performance Computing"

Dr. Rebeka Hva (Corc Vasinqton Universiteti, Kompüter Elmləri kafedrasının müdiri)
Seminar mövzusu: "Machines, Language, and Understanding"