29-30 Oktyabr 2024-cü il tarixində Xəzər Universitetində "Advanced Engineered Biomaterials for Life Science Applications" adlı beynəlxalq elmi seminar keçiriləcəkdir. Tədbir, Xəzər Universitetində yeni yaradılmış Mühəndislik Biomateriallar Tədqiqat Mərkəzi (EBMRC) tərəfindən təşkil edilən ilk seminardır və 2 gün davam edəcəkdir. Məqsədimiz yeni yaradılmış mərkəzin missiyası və vizyonunu tədqiqatçılara, tələbələrə, elmi tədqiqat institutlarına, özəl şirkətlərə, universitetlərin professor müəllim heyətinə, eləcədə iş adamlarına, sənaye mütəxəssislərinə təqdim etməkdir.

Seminarın ilk günü təqdim olunacaq təqdimatlar, həyat elmlərində qabaqcıl biomaterialların istehsalı, hüceyrə əsaslı terapiya, dərman daşınması, orqanoidlər və "çip üzərində orqan kulturası" kimi müasir yanaşmalarda daxil olmaqla, süni intellekt (AI) vaistəsilə biomaterialların hazırlanmasına və sintetik biologiyaya qədər müxtəlif mövzuları əhatə edəcəkdir.

Tədbirin ikinci günü, bioinformatika üzrə (Hesablama metodları ilə Epitope Xəritələmə və Molekulyar Dinamik Simulyasiyalardan istifadə edərək növbəti nəsil peptid əsaslı peyvəndlərin hazırlanması) vorkşopun keçirilməsi və IdeaShow (Next Khazar Start up event) adlı start up layihəsinin nəticələrinin açıqlanması nəzərdə tutulmuşdur. NextKhazar (https://nextkhazar.com/) - innovativ ideyaların toplandığı yeni bir platformadır. Qeyd olunan linkə keçid edərək ideyalarınızı təqdim edə bilərsiniz (20 oktyabr 2024-cü il tarixi ideyalarınızı təqdim etməyin son günüdür), peşəkar münsiflər heyəti tərəfindən bütün ideyalar qiymətləndiriləcək və 3 ən yaxşı ideya seçilərək, 30 oktyabr 2024-cü il tarixində açıqlanacaqdır.

Mövzular aşağıdakı bölmələri əhatə edir:

1. Biomaterillar və nanotexnologiya (Biomaterials and Nanotechnology)
2. Ağıllı biomateriallar və yeni tətbiqlər (Smart Biomaterials and Emerging Applications)
3. Şəxsi tibb və biomateriallar (Personalized Medicine and Biomaterials)
4. Qabaqcıl toxuma mühəndisliyi və biomateriallar (Advanced Tissue Engineering and Biomaterials)
5. Fənlərarası innovasiya və biomateriallar (Interdisciplinary Innovation and Biomaterials)
6. Müasir biomaterilların tədqiqi (Cutting-Edge Biomaterials Research)
7. Dayanıqlı İnkişaf və İqlim Dəyişiklikləri üzrə Biomateriallar və Məsləhət Xidməti (Biomaterials for Sustainable Development and Climate ChangeConsultancy)
8. Təhsil Alətləri (Edtech) və Simulyasiya (Educational Tools (Edtech) and Simulation)

Tədbir, 29-30 Oktyabr 2024-cü il tarixində Xəzər Universiteti Neftçilər kampusu Mərmər zalda, saat 09:30-18:00 aralığında keçiriləcəkdir.

Tədbirə hər kəs dəvətlidir!