Xəzər Universitetinin Karyera və Məzunlar Mərkəzi və Təbiət elmləri və Mühəndislik fakültəsinin birgə təşkilatçılığı ilə 11 iyun 2024-cü il tarixində saat 11:00-da 102 N-də “AccessBank Günü” keçiriləcəkdir.

Tədbirdə bankın fəaliyyəti, təcrübə proqramları və aktiv vakansiyalar haqqında geniş məlumat veriləcəkdir. Tələbələr arasından uyğun namizədlər ödənişli təcrübə proqramına cəlb olunacaqlar. Proqramı uğurla başa vurduqdan sonra sözügedən bankda işlə təmin olunacaqlar.

Təbiət elmləri və Mühəndislik fakültəsinin sonuncu il tələbələri və magistrantlarını həmin tədbirdə iştirak etməyə dəvət edirik!