TƏHSİLİN İDARƏ OLUNMASI VƏ MÜƏLLİM HAZIRLIĞI MÖVZUSUNDA BEYNƏLXALQ ELMI-PRAKTIKI SIMPOZIUM

Xəzər Universitetinin Təhsil departamenti və Türkiyə Respublikası Qazi Universitetinin Qazi Təhsil fakültəsi ilə birgə 06-07 iyun 2024-cü il tarixləri arasında “Təhsilin idarə olunması və müəllim hazırlığı” mövzusunda beynəlxalq elmi-praktik simpozium keçiriləcək.

Simpoziumun məqsədi: Təhsil müəssisələrinin idarə olunmasında və müəllim hazırlığında mövcud vəziyyətin təhlili, milli prioritetlər, fənlərin tədrisi metodikasına verilən tələblər, bu sahədəki tədqiqatlarla, həlli vacib hesab edilən məsələlərin çıxış yolları ilə bağlı elmi cəhətdən əsaslandırılmış təkliflərlə tanışlıq, yerli və beynəlxalq təcrübələrin mübadiləsinə şərait yaratmaq və bu istiqamətdə yeni tədqiqatlara çağırış perspektivlərini müzakirə etməkdir.

Simpoziumun ideyası:  “Azərbaycan 2030: Sosial-iqtisadi inkişafa dair Milli Prioritetlər”ini və sənədin “XXI əsrin tələblərinə uyğun təhsil” istiqamətini rəhbər tutaraq bu sahədə qarşıda duran vəzifələri işıqlandırmaq məqsədi daşıyır. 

Simpoziumun ev sahibi:    Xəzər Universiteti

Simpoziumun keçirilmə məkanı:  Bakı şəhəri, Məhsəti 41, Xəzər Universiteti, Mərmər salon.

Simpoziumun işçi dilləri:  Azərbaycan, türk, ingilis dili

Simpoziumun keçirilmə forması:  Ənənəvi

Simpoziumun əsas mövzuları: 

• Təhsilin idarə olunması
• Təhsilin idarə olunmasında milli prioritetlər, beynəlxalq çağırışlar
  • Təhsil müəssisələrinin strateji idarə olunması və keyfiyyət təminatının
• Müəllim hazırlığı
• Müəllim hazırlığında, trendlər, yeni yanaşmalar, mövcud problemlər
• Müəllim hazırlığı sistemində fənlərin tədrisi metodikasına verilən tələblər

Seçilmiş məqalələr “Xəzər Humanitar və Sosial Elmlər Jurnalı”nda (“Web of Science” indeksli) dərc olunacaq.

Jurnalın elektron versiyasını aşağıdakı keçiddən əldə etmək olar: https://ejournal.khazar.org/index.php/kjhss.

Əlaqə nömrəsi: (+99412) 4217916 (221)

E-mail ünvan: laliyeva@khazar.org