Xəzər Universiteti Azərbaycan Respublikası Nazirlər Kabinetinin 27 mart 2024-cü il tarixli 263 s nömrəli sərəncamı ilə təsdiq edilmiş qəbul planına əsasən aşağıdakı ixtisaslara doktorant və dissertant hazırlığı üzrə qəbul elan edir.
| İxtisasın şifri | İxtisasın adı | Doktorantura | Dissertantura | |
| Əyani | Qiyabi | |||
| 1202.01 | Analiz və funksional analiz |
| 1 |
|
|
1203.01 | Kompyuter elmləri | 1 |
|
|
| 2391.01 | Ekoloji kimya |
| 1 |
|
| 2409.01 | Genetika |
| 1 |
|
| 2525.01 | Neft və qaz yataqlarının işlənməsi və istismarı | 1 |
|
|
| 3347.01 | Nanotexnologiya və nanomateriallar |
| 1 |
|
| 5310.01 | Dünya iqtisadiyyatı |
| 1 |
|
| 5708.01 | German dilləri |
|
| 1 |
| 5802.01 | Təhsilin təşkili və planlaşdırılması |
|
| 1 |
| 5804.01 | Ümumi pedaqogika, pedaqogikanın və təhsilin tarixi |
| 1 |
|
| 5901.01 | Beynəlxalq münasibətlər |
| 1 |
|
| 6107.01 | Ümumi psixologiya |
| 1 |
|
| Cəmi: | 2 | 8 | 2 | |
Doktoranturaya elektron sənəd qəbulu prosesi portal.edu.az saytı vasitəsi ilə 16 aprel - 15 may 2024- cü il tarixləri arasında həyata keçiriləcəkdir.
Fəlsəfə doktoru proqramı üzrə doktoranturaya ali təhsil pilləsinin magistratura səviyyəsini bitirən (magistr dissertasiyasını müdafiə edən), yaxud təhsili ona bərabər tutulan (tibbi təhsildə həkim-mütəxəssis) Azərbaycan Respublikasının vətəndaşları müraciət edə bilər.
Doktoranturaya qəbul olmaq istəyənlər xarici dildən (rus dili istisna olmaqla, seçim sərbəst və ya ixtisasa uyğun olmalıdır), fəlsəfədən və ixtisas fənnindən ali təhsil pilləsinin magistratura səviyyəsi üçün qüvvədə olan tədris proqramları həcmində qəbul imtahanları verirlər. Xarici dildən imtahanda iştirak etməyənlər fəlsəfə üzrə imtahana, fəlsəfə üzrə imtahanda iştirak etməyənlər isə ixtisas fənnindən imtahana buraxılmırlar.
Dissertantlıq yolu ilə “Fəlsəfə doktoru” elmi dərəcəsi almaq hüququna ali təhsil pilləsinin magistratura səviyyəsini bitirən (magistr dissertasiyasını müdafiə edən), yaxud təhsili ona bərabər tutulan (tibbi təhsildə həkim-mütəxəssis), müvafiq tədqiqat sahəsində müəyyən müvəffəqiyyətləri olan və əsas iş yeri ali təhsil müəssisəsi, elmi müəssisə və təşkilat olan elmi və elmi-pedaqoji kadrlar müraciət edə bilər. Dissertant kimi təhkim olunmaq istəyən şəxslər, bir qayda olaraq, azı iki il elmi və ya elmi-pedaqoji iş stajına malik olmalıdırlar.
Dissertantlıq yolu ilə “Fəlsəfə doktoru” elmi dərəcəsi almaq istəyən şəxslər xarici dildən (rus dili istisna olmaqla, seçim sərbəst və ya ixtisasa uyğun olmalıdır) ali təhsil pilləsinin magistratura səviyyəsi üçün qüvvədə olan tədris proqramları həcmində Dövlət İmtahan Mərkəzi tərəfindən iyun ayında keçirilən xarici dil imtahanından keçid balını toplamalıdırlar. Xarici dil imtahanından keçid balını toplayan şəxslər sentyabr ayında keçirilən müsahibəyə buraxılırlar.
Əlavə məlumat üçün əlaqə:
E-mail: gbahaddinova@khazar.org
Tel: (+99412) 421 10 93 (daxili 246)
Copyright © Xəzər Universiteti, 2025
