Karyera və Məzunlar Mərkəzinin təşkilatçılığı ilə 12 mart saat 14:00-da 102N otağında Azərbaycan Hotel Assosiasiyası tərəfindən Xəzər Universitetinin İqtisadiyyat və Menecment fakültəsinin xüsusilə “Turizm” ixtisasında təhsil alan tələbələri üçün "Gələcəyin Qonaqpərvərlik Liderləri" - Uğur Hekayələri görüşü keçiriləcəkdir. Tədbirdə Four Seasons Hotel Baku hotelinin meneceri Özgür Sezercan, JW Absheron Baku Hotel & The Ritz-Carlton Baku-da Cluster HR direktoru Sevinc Purvis, Radisson Hotel Baku-nun Kommersiya direktoru Nigar Nəsirova, Azərbaycan Otellər Assosiasiyasının İcraçı direktorunun müavini Nərmin Aktaş çıxış edəcəklər.

Spikerlər 10-15 dəqiqə ərzində “uğurun arxasındakı hekayə”, “niyə qonaqpərvərlik” və ya oxşar ruhlandırıcı mövzular haqqında danışacaq və daha sonra sual-cavab sessiyası başlayacaq. Tədbirin sonunda qonaqpərvərlik haqqında ümumi suallarla onlayn qısa müsabiqə olacaq. Qalib tələbə spikerlərin çalışdığı hotellərin birində spikerlə birlikdə qəhvə içmək şansı qazanacaq.