Xəzər Universitetinin İngilis dili və Ədəbiyyatı Departamenti Manisa Celal Bayar Universiteti ilə birgə “Dil, Ədəbiyyat və Dilçilik Fəlsəfəsi üzrə 4-cü Beynəlxalq Konfrans” keçirəcək. 

İllik ICPL beynəlxalq konfranslarının (2020, 2021, 2022) diqqətəlayiq nailiyyətlərindən ruhlanan Xəzər Universitetinin İngilis dili və Ədəbiyyatı Departamenti konfransın 2024-cü ildə Türkiyənin Manisa şəhərində keçiriləcəyini elan etməkdən şərəf duyur. “Dil, Ədəbiyyat və Dilçilik fəlsəfəsi üzrə 4-cü Beynəlxalq Konfrans” Manisa Celal Bayar Universiteti ilə birgə təşkil olunur. Bütün dünya ölkələrindən alimləri, tədqiqatçıları və həvəskarları 9-11 may 2024-cü il tarixləri arasında Türkiyənin ecazkar Manisa şəhərində dil, ədəbiyyat və dilçilik aləminə səyahət etmək üçün bizə qoşulmağa dəvət etməkdən məmnunluq duyuruq. 

Seçilmiş bütün məqalələr “Xəzər Humanitar və Sosial Elmlər Jurnalı”nda (“Web of Science” indeksli) dərc olunacaq. Jurnalın elektron versiyasını aşağıdakı keçiddən əldə etmək olar: https://ejournal.khazar.org/index.php/kjhss.

Əlavə sorğular və xülasə təqdimatlar üçün englangconf@khazar.org elektron poçt ünvanına e-məktub göndərməyinizi xahiş edirik.

Əlaqə nömrəsi: (+99412) 421 7916 (281)

Konfransın internet saytı: www.icpl.az.