Avropa Komissiyası (AK) Avropa İttifaqı və Azərbaycan arasında Tədqiqat və İnnovasiya Əməkdaşlığına Dəstək, Azərbaycan tədqiqatçılarının, dövlət və özəl sektorlardan olan mütəxəssislərin "Horizon Avropa" Proqramında uğurlu iştirakının təmin edilməsi istiqamətində fəaliyyətini davam etdirir. Bu məqsədlə, AK-nın ekspertlərinin iştirakı ilə layihələrin hazırlanması üzrə növbəti təlimlərin və fərdi məsləhətlərin təşkil edilməsi nəzərdə tutulub.
26-27 sentyabr 2023-ci il tarixlərində layihələrin hazırlanması üzrə keçiriləcək təlim Azərbaycandan olan tədqiqatçılar və innovatorlara "Horizon Avropa" Proqramının yeni çağırışlarına yüksək keyfiyyətli və rəqabətədavamlı layihə təkliflərinin hazırlanması, onların Avropa tədqiqat və innovasiya şəbəkəsinə inteqrasiya olunması üçün köməklik göstərilməsinə yönəldilib. 28-29 sentyabr 2023-cü il tarixlərində keçiriləcək ekspert məsləhətlərinin təşkilinin məqsədi isə konkret layihə təkliflərinə fərdi dəstəyin göstərilməsidir.
Təlimlərdə iştirak etmək istəyənlər aşağıdakı link vasitəsilə qeydiyyatdan keçməlidirlər: https://horizoneuropeazerbaijan.service-facility.eu/
Qeydiyyat 1 sentyabr 2023-cü il tarixinə qədər açıqdır. Təlimlərdə iştirak üçün seçimlər AK-nın ekspertləri tərəfindən aparılacaqdır.
Əlavə məlumat üçün AMEA Rəyasət Heyəti aparatının Xarici əlaqələr və beynəlxalq elmi təşkilatlarla iş şöbəsinə müraciət edilə bilər.
Maraqlı şəxslərdən xahiş olunur ki, 29 avqust 18:00 qədər Səlimə Əhmədova (sahmadova@khazar.org) ilə əlaqə saxlasınlar.
Əlaqə: (+994 12) 492 34 46, (+994 12) 492 54 93;
E-mail: hh.esmal@hotmail.com
Copyright © Xəzər Universiteti, 2026
