2021-ci il dekabrın 4-də Təhsil Departamentinin təşkilatçılığı ilə Almaniyanın və dünyanın ən nüfuzlu universitetlərindən biri olan Berlin Humboldt Universitetinin doktorantı Xəyyam Namazov Xəzər Universitetinin tələbələri ilə görüşəcək. Artıq Humboldt universitetində doktorantura təhsilini bitirmək üzrə olan cənab Namazov “Avropada Doktorantura Təhsili: Tədqiqat İşinə Necə Yanaşmalı?” mövzusunda təqdimat edəcək. Təqdimatdan sonra isə iştirakçıları maraqlandıran suallar cavablandırılacaq.

Görüş saat 21:00-da ZOOM platforması üzərində online keçiriləcək.

Görüşdə iştirak etmək istəyənlər education@khazar.org email ünvanına yazaraq qeydiyyatdan keçə bilərlər. Email yazarkən qeydiyyatdan keçmək istədiyiniz tədbirin adı və tarixini qeyd etməyinizi xahiş edirik.