Xəzər Universitetinin Mexanika mühəndisliyi fakültəsi tələbələri, əməkdaşlarını və professor-müəllim heyətini Mexanika mühəndisliyi departamentinin koordinatoru Dr. Mehdi Kiyasatfarın təşkil etdiyi “Təcrübə mübadiləsi” seminarlar silsiləsində müxtəlif peşəkarlar və akademiklərdən maraqlı tədqiqat işləri və planları dinləməyə dəvət edir.

Bu silsilədə təhsil işçiləri, tələbələr, məzunlarımız, sənaye nümayəndələri və digər xarici tərəfdaşlar müəyyən mühüm akademik və sənaye işlərində öz təcrübələrini və bacarıqlarını bir-birləri ilə bölüşəcəklər. Yüksək səviyyədə interaktiv görüş keçirməyi hədəfləyən bu silsilə, “bir-birimizdən öyrəndiklərimiz” əsasında bir atmosfer yaratmaq üçün yeni və həyəcanverici bir fürsət olacaq. Mövzular bizim tədqiqat sahəmiz qədər müxtəlifdir və əsas diqqət mexanika, idarəetmə, cihazqayırma, robototexnika, mikro və nano mühəndislik, dizayn və istehsal, enerji və mühəndislik və biomühəndisliyə yönəldilir.

Təcrübə Mübadiləsi silsiləsi müxtəlif sənaye və mühəndislik sahələrindən mütəxəssislərin iştirakı ilə davam edir. Seminarlar çərçivəsində iştirakçılar istehsalat, texnologiya və mühəndislik sahələrində praktiki bilik və təcrübələrlə tanış olmaq imkanı əldə edirlər.

Tarix: Cümə günü - 3 dekabr, 2021

Saat: 14:00-15:00,

Otaq: 301N