Xəzər Universitetinin bakalavriat səviyyəsinə qəbul olmuş şəxslər elektron qaydada qeydiyyatdan keçməlidirlər. Portalda qeydiyyatdan keçməyən bakalavrlar qəbul olunanlar siyahısından xaric ediləcəklər.

Addım 1.

Bunun üçün ilk öncə https://portal.edu.az/ platformasında qeydiyyatdan keçmək, yaradılmış kabinetə daxil olduqdan sonra təqdim edilən xidmətlər sırasında “Ali və orta ixtisas təhsili müəssisələrinə təhsilalan qeydiyyatı” xidmətini seçmək lazımdır.  

Addım 2. 

Tələbələr qeydiyyat üçün tələb olunan aşağıdakı sənədləri https://portal.edu.az/ platformasına yükləməlidir. Sənədlər jpg və ya PDF formatda yüklənməlidir:

• Şəxsiyyət vəsiqəsi
• Attestat
• Tələbə bileti üçün 1 rəngli şəkil (3x4 ölçüdə)
• Sağlamlıq haqqında tibbi arayış 

Addım 3.

Tələbə https://portal.edu.az/ platformasına sənədləri yüklədikdən sonra portala daxil olub, öz statusunu izləməlidir (Sənədlər tələb olunan şəkildə yüklənmədikdə qeydiyyat sistemi vasitəsilə doğru yüklənmədiyi qeyd olunacaqdır). Xəzər Universiteti tərəfindən sənədlər yoxlanıldıqdan sonra ödənişli əsaslara qəbul olunan tələbə üçün “ödəniş edilməlidir” statusu təyin olunacaqdır. “Ödəniş edilməlidir” statusu təyin edildikdən sonra tələbə ödənişi ödəyə bilər.

Təhsil haqqını portal.edu.az, gpp.az və ya bank vasitəsilə ödəmək mümkündür.

• Tələbə şəxsi kabinetilə ödəniş edə bilər.
• Tələbə “gpp.az” saytında FİN və ya invoys vasitəsilə ödəniş edə bilər. Bunun üçün gpp.az saytına daxil olmaq, bütün xidmətlərdən TƏHSİL seçmək, sonra ALİ TƏHSİL MÜƏSSİSƏLƏRİ xidmətinə sıxmaq lazımdır. Açılan səhifədə müvafiq məlumatlar daxil edilməlidir. Daha sonra ödəniş icra edilə bilər.
• Tələbələrə ödəniş edilməlidir statusu təyin edildikdən sonra tələbələr banka yaxınlaşaraq Hökumət ödəniş portalı (HÖP) üzərindən ödəniş etmək istədiyini bildirir, FİN və ya ATİS-də formalaşan invoysu təqdim edərək ödəniş edir.
• Xidmətindən istifadə etdiyi bankın mobil aplikasiyası vasitəsilə ödənişləri həmin aplikasiyanın müvafiq bölməsindən edə bilər.

Addım 4.

Tələbə https://portal.edu.az/ platformasında “qəbul edildi” statusu aldıqdan sonra aşağıdakı sənədləri Xəzər Universitetinin Qəbul və Tələbə şöbəsinə saat 10:00-dan 17:00-ə qədər (Neftçilər metrosu, Məhsəti Gəncəvi küç. 41, Mərmər zal) şəxsən təqdim etməlidir:

• Şəxsiyyət vəsiqəsi və onun sürəti
• Attestat
• Çap şəklində 4 rəngli şəkil (3x4 ölçüdə)
• Sağlamlıq haqqında tibbi arayış

Ən çox soruşulan suallarla aşağıdakı link vasitəsilə tanış ola bilərsiniz:

Ali təhsilin bakalavriat səviyyəsi üzrə təhsil müəssisələrinə elektron qeydiyyatla bağlı ən çox soruşulan suallar

Qeydiyyat 2021-ci il sentyabrın 7-dən 20‑dək davam edəcəkdir.

Əlavə məlumat üçün Qəbul və Tələbə şöbəsi ilə əlaqə saxlaya bilərsiniz.

Əlaqə nömrəsi:

012 421 79 16; 012 421 10 93 (daxili 226, 284)

Mobil: (051) 317 04 52