2019-cu il dekabrın 26-sı və 27-də Xəzər Universitetinin “Mərmər” zalında “Hackathon 2019 –Xəzər” adlı tədbir baş tutacaq. İki gün davam edəcək tədbirin əsas məqsədi müxtəlif ixtisaslı tələbələri bir araya gətirərək, ideyalarını reallaşdırmaqdır. Xəzər Universitetində ilk dəfə olacaq yarışmanın sonunda komandalar ideyalarını “Google Store” və “App Store” kimi e-mağazalardan istifadə oluna biləcək mobil uyğulama halına gətirməlidirlər. Sonda münsiflər heyəti tərəfindən seçilən qaliblərə Xəzər Universitetinin mükafatları təqdim olunacaq. Tədbirin ikinci günündə müxtəlif şirkətlərin nümayəndələri iştirak edərək, bəyənilən ideyaların növbəti mərhələdə həyata keçirilməsi və inkişafı üçün danışıqlar aparacaqlar. Tədbirdə iştirak etmək istəyən tələbələr nalizada@khazar.org e-mail ünvanı vasitəsilə qeydiyyatdan keçə və ya 508 (old) nömrəli otağa yaxınlaşaraq ətraflı məlumat ala bilərlər.