2019-cu il fevralın 25-də Xəzər Universiteti, Psixologiya departamentinin müəllimi Nilufər Əlizadənin təşkilatçılığı ilə “Cinayətkarlıq və psixoloji amillər” adlı təlim baş tutacaq.

Təlimi İngiltərənin Şeffild Universitetində sosiologiya üzrə bakalavr, magistr təhsilini isə London İqtisadiyyat və Siyasi Elmlər Məktəbində ədliyyə sistemi üzrə almış İnqilab Şahbazov keçirəcək.

İnqilab Şahbazov hazırda həmtəsisçisi olduğu Azərbaycan Elm Assosiasiyasının həmsədri vəzifəsini icra edir.

İ.Şahbazov 2018-2019-cu illərdə Azərbaycan Respublikasının Prezidenti yanında Elmin İnkişafı Fondunun dəstəyi ilə aparılan –dünyada və Azərbaycanda azadlıqdan məhrumetməyə alternativ cəza tədbirlərinin araşdırıldığı tədqiqatın rəhbəridir.

İnqilab Şahbazov “Sosioloji nəzəriyyələr” kitabının müəllifidir. Bununla yanaşı, onun dünyada və Azərbaycanda azadlıqdan məhrumetməyə alternativ cəza tədbirləri ilə apardığı “Excessive use of pre-trial detention in Azerbaijan: Examination of the causes” adlı araşdırma ingilis dilində International Journal of Crime, Law and Justice jurnalında 2019-cu ildə dərc edilmişdir.

Müəllif sosial tədqiqatlar sahəsində dünyanın ən nüfuzlu sertifikatlarından olan Market Research Society Advanced Certificate in Market and Social Research Practice sertifikatının sahibidir.