Xəzər Universitetinin Azərbaycan dili və ədəbiyyatı departamenti assistent vəzifəsini tutmaq üçün müsabiqə elan edir. Müsabiqədə ən azı bakalavr təhsilli şəxslər iştirak edə bilərlər. Assistentin görəcəyi işlər bunlardır: departamentin sənədləşmə işlərini aparmaq, departamentin müəllimlərinin sillabuslarını, imtahan suallarını toplamaq, çap etmək, imtahanlarda nəzarətçi olaraq iştirak etmək, departamentin vebsaytını idarə etmək, departamentlə bağlı gündəlik işləri yerinə yetirmək və s.

Müsabiqədə iştirak etmək istəyənlər Azərbaycan dilini mükəmməl şəkildə bilməli, ingilis dilində olan mətnləri başa düşməli, kompüter proqramlarında işləməyi bacarmalıdırlar. Namizəd məsuliyyətli olmalı, işləri vaxtlı-vaxtında və peşəkarlıqla görməlidir.

Müsabiqədə iştirak etmək istəyənlər məktub və CV-ni veyyub@khazar.org elektron poçt ünvanına göndərsinlər.

Son müraciət tarixi 2017-ci il noyabrın 15-dir.