2017-ci il sentyabrın 19-u saat 14:00-da Xəzər Universitetində genomun oxunması üçün Amerikanın nəhəng “Illumina” avadanlıq tədarükçüsü Alliance Global qrupu ilə birgə (Illumina Inc. /Alliance Global) biologiya ixtisası tələbələrinə, gənc tədqiqatçılara və həkimlərə “Introduction to ILLUMINA Next Generation Sequencing” adlı elmi seminar-konfrans keçirəcək. Burada onkoloji panellər və HLA, genetika və sağlamlıq, həmçinin insan sağlamlığını yaxşılaşdırmaq məqsədilə bioloji məlumatların toplanması, təhlili və tətbiqi müzakirə olunacaqdır.
Seminarda Dr. Szabolcs Kokeny (Ph.D) və Dr. Florian Graedler (Ph.D) çıxış edəcəklər.
Maraqlanan hər kəs dəvətlidir. Daha geniş məlumatı Xəzər Universiteti Bioloji elmlər departamentindən almaq olar.