2020-ci il fevralın 21-də Gəncə Dövlət Universitetində MEDİATS layihəsinin (599010-EPP-1-2018-1-NL-EPPKA2-CBHE-JP) monitorinq görüşü keçirilmişdir. Monitorinq Milli Erasmus+ Ofisinin rəhbəri Pərviz Bağırov və monitorinq və məlumatlandırma üzrə məsul şəxs Zəfər Həsənov tərəfindən keçirilmişdir. Monitorinq görüşündə Xəzər Universitetini Siyasi elmlər və fəlsəfə departamentinin müdiri Dr. Elmar Mustafayev təmsil etmişdir.

Görüşdə MEDİATS layihəsinin əsas məqsədləri, Gəncə Dövlət Universiteti və Xəzər Universitetinin layihə çərçivəsində həyata keçirdikləri fəaliyyətlər, çətinliklər və gələcəkdə nəzərdə tutulan fəaliyyətlər müzakirə edilmişdir. Görülmüş işlər və layihə məqsədlərinə uyğun olaraq Milli Erasmus+ Ofisi tərəfindən Gəncə Dövlət Universiteti və Xəzər Universiteti üçün tövsiyələr verilmişdir.