2017-ci ilin martında Xəzər Universiteti Humanitar və sosial elmlər fakültəsinin dekan köməkçisi Validə Kərimovanın (doktorant) “Dil etikası: Linqvo psixologiya və psixolinqvistika. Dilin psixoloji problemlərlə təhlili” (ingiliscə) (“Language Ethıcs: Linguo Psychology And Psycholınguıstics; Analysis of The Language With Psychological Problems”) adlı məqaləsi Amerikanın “Science Publishing Group” nəşriyyat evinin “Psychology and Behavioral Sciences” adlı elmi jurnalında çap edilmişdir.
Çap edilmiş elmi tədqiqat işinin əsas məqsədi psixolinqvistika məktəb və istiqamətləri haqqında qısa məlumat vermək, dilin yaranma mahiyyətini, fəaliyyət qanunauyğunluqlarını, prinsip və üsullarını üzə çıxarmaq, həmçinin insanların dili necə dərk etmələri və qavramaları və dili necə istehsal etmələri haqqında qısa və vacib məlumatları verməkdir. Məqalə psixologiya və linqvistika sahələrini əhatə edən əsas anlayışları təhlil edərək, birbaşa olaraq dil və nitq patalogiyasını, dil psixologiyasını, dilin öyrənilmə və davranışını və ya idrak elmini əhatə edir.