Departamentin Müəllim-Tələbə Məşvərət Komitəsi

Siyasi Elm və Beynəlxalq Münasibətlər Departamenti tələbələri ilə dialoqunu Müəllim-Tələbə Məşvərət Komitəsi (MTMK) vasitəsi ilə yaradır. MTMK strukturu tələbələr üçün onların akademik qayğılarını, o cümlədən tədris, təhsil və tələbələrə dəstək məsələlərini Departament səviyyəsində açıq şəkildə müzakirə etmək üçün bir forum təmin etmək məqsədilə yaradılıb. MTMK tərkibi seçilmiş tələbə təmsilçilərindən və müəllim heyəti üzvlərindən ibarətdir. Komitə həmçinin departamentin gələcək planları ilə bağlı tələbələrlə məsləhətləşmək üçün forum da ola bilər.

Komitə hər semestrdə bir dəfə görüş keçirir (Noyabr və Aprel). Departament müdiri toplantıları çağırır və onların keçirilməsi tənzimləyir.

Komitəyə seçilmiş tələbələr Siyasi elm, Beynəlxalq münasibətlər və Regionşunaslıq ixtisaslarının bakalavr, magistr və doktorantura tələbələrini təmsil edəcək. Seçki prosesi Departamentin müdirinin müşahidəsi altında Xəzər Universiteti Tələbə Məclisi tərəfindən təşkil olunur. Komitəyə seçilmiş tələbələr bir akademik təhsil ili müddətində xidmət göstərmək üçün seçilir. Onlar tələbələrin fikirlərini təmsil edən məsələləri toplantının gündəliyində qaldırmaq üçün aktiv təşəbbüs göstərməlidirlər. Seçilmiş təmsilçilər təmsil etdikləri tələbələri maraqlandıran sualları toplayıb onların Komitədə səsləndirilməsini təmin etməlidirlər. Komitəyə seçilmiş tələbə təmsilçiləri Komitənin hər görüşündən əvvəl təmsil etdikləri tələbələrin toplantılarda qaldırmasını istədikləri məsələlərin müəyyən olunması üçün onlarla əlaqə saxlamağa məsuldurlar. Komitəyə seçilmiş təmsilçilər tələbələrlə görüşə və ya email ilə əlaqə saxlaya bilər. Komitəyə seçilmiş tələbə təmsilçiləri hər akademik ilin sonunda müzakirə olunmuş məsələlərin və onların nəticələrinin illik hesabatını hazırlayıb yaymalıdırlar.

Müəllim-Tələbə Məşvərət Komitəsinə seçilmiş tələbələr könüllü əsaslarla xidmət edəcək. Uğurla xidmət edəcək tələbə təmsilçilərinə Təşəkkür Sertifikatı veriləcək və onların universitet həyatındakı bu xidməti transkriptlərində göstəriləcəkdir.  

Üzvlərlə əlaqə