Xəzər universitetində hər hansı bir ixtisasa yiyələnmək üçün tələbələr bir sıra fənləri öyrənməli və imtahan verib tələb olunan miqdarda kredit toplamalıdır. Universitetdə hər fənn, əsasən, 3 kredit (6 AKTS) dəyərindədir (Xəzər Universitetinin 1 krediti 2 AKTS-ə bərabərdir). Bəzi fənlər isə 4 kredit (8 AKTS) -dir. Kredit saatları əsas etibarilə fənn yükünü əks etdirir.

Xəzər universitetində bakalavr dərəcəsi almaq üçün, seçilən ixtisasdan asılı olaraq, 4 illik tədris proqramında 128-132 kredit (256-264 AKTS), 5 illik tədris proqramında isə 150 kredit (300 AKTS) toplamaq tələb olunur.

Tələbələr yaz və payız semestrlərindən başqa, yay semestrlərində də 1-2 fənn (ən çox 8 kredit (16 AKTS)) oxumaqla, kredit qazana bilərlər.