Xəzər Universiteti Təşkilati Sənədləşmə Şöbəsi universitetdə kargüzarlıq, sənəd dövriyyəsi və arxiv işinin səmərəli təşkilini təmin edən struktur bölməsidir. Şöbə universitet daxilində vahid sənədləşmə sisteminin tətbiqini, rəsmi sənədlərin düzgün hazırlanmasını, qeydiyyatını, icrasına nəzarəti və arxivləşdirilməsini həyata keçirir.

Şöbənin əsas fəaliyyət istiqamətlərinə daxil olan və çıxan sənədlərin idarə olunması, struktur bölmələri arasında sənəd dövriyyəsinin koordinasiyası, sənədlərin müəyyən olunmuş qaydalara uyğunluğunun yoxlanılması, icra müddətlərinə nəzarət və arxiv işinin təşkili daxildir.

Şöbə fəaliyyətini Azərbaycan Respublikasının qanunvericiliyinə və universitetin daxili normativ sənədlərinə uyğun şəkildə həyata keçirir.