Ötən əsrin ən mühüm hadisələrindən olan Birinci dünya müharibəsi dünyanın böyük bir hissəsində olduğu kimi türk coğrafiyalarında da öz təsirini göstərmişdir. Müharibənin iştirakçılarından olan Osmanlı dövləti bir çox cəbhədə vuruşmuş, minlərlə əsgəri şəhid olmuş və ya əsir düşmüşdür. Qafqaz cəbhəsindəki Osmanlı əsirlərinin bir hissəsi də o dövrdə Rusiyanın müstəmləkəsi altında yaşayan Azərbaycana, xüsusilə də Nargin adasına gətirilmişdir. Əsirlərin Nargin düşərgəsindəki acınacaqlı durumu, sonrakı talehi, Bolşevik inqilabından sonra əsir mübadilələrinin aparılması prosesi, Azərbaycandakı əsirlərin vəziyyəti, azərbaycanlıların əsirlərə yardımları, onların xilas edilməsində yerli xalqın fəaliyyətləri, dövrün ziyalılarının məsələ ilə bağlı yazıları və s. konfransın əsas istiqamətlərini təşkil etməkdədir.

Xəzər Universitetinin ev sahibliyində keçiriləcək beynəlxalq konfransda tezislər və tam mətnlər çap olunacaqdır. Bundan əlavə aparılan layihə kitab olaraq nəşr ediləcək və əsirlərlə bağlı foto-sərgi keçiriləcəkdir.