VETERINARY MEDICINE DEPARTMENT

2020-ci ildən etibarən  Təbiət Elmləri və Mühəndislik fakültəsində Həyat elmlər departamenti nəznində yeni  “Baytarlıq Təbabəti” ixtisası açılmışdır. Son dövrlərdə Baytarlıq Təbabəti üzrə yüksək ixtisaslı mütəxəssislərə olan tələbatın artması, baytarlıq təbabəti sahəsində müasir bilik və bacarıqların verilməsi üçün mövcud ixtisas üzrə təhsil proqramının daha da təkmilləşdirilməsinə və Baytarlıq Təbabəti departamentinin yaradılmasına zərurət yaratmışdır. Artıq 2024-cu ilin noyabr ayından etibarən Baytarlıq Təbabəti departamenti fəaliyyətə başlamışdır. Hazırda departamentin əsas vəzifəsi baytarlıq elminə daxil olan təməl, klinik və klinik öncəsi, həmçinin heyvanların yetişdirilməsi, qida təhlükəsizliyi kimi digər əlaqəli sahələri əhatə edən fənlərin tədrisi ilə bakalavr təhsil pilləsi üzrə baytar həkimləri məzun etməkdir. Bununla yanaşı müvafiq sahələr üzrə beynəlxalq əməkdaşlıqların qurulması, tədqiqat işlərinin aparılması və ixtisas yönümlü kadr potensialının yüksəldilməsi də departamentin əsas missiyalarındandır.