1. Doktoranturaya qəbul prosesi necə olur?  

Doktoranturaya qəbul prossesi bir neçə mərhələli olur. Birinci mərhələdə xarici dildən (İngilis dili, Alman və ya Fransız dili) imtahan verilməlidir. Əgər xarici dil imtahanından keçid balı toplanılarsa, ondan sonra universitet seçimi edilir. Daha sonra Fəlsəfə fənnindən və ixtisasdan imtahan verilməlidir. 

2. Doktorantura təhsilində Xəzər universitetində hansı dərslər tədris olunur?  

• Tədqiqat metodologiyası 
• Statistika 
• Azərbaycan dili (xarici tələbələr üçün)

3. Doktorantura və dissertanturada təhsil müddəti nə qədərdir?  

• Doktorantura əyani- 3 il 
• Doktorantura qiyabi- 4 il
• Dissertantura- 4 il 

4. Əyani doktorantların digər müəssələrdə işləmək hüquqları vardırmı?  

Xeyr. Əyani doktorantlar doktorantı olduqları müəssisənin razılığı ilə yalnız həmin müəssisədə işləyə bilərlər.  

5. Qiyabi doktorantlar və dissertantlar hərbi xidmətdən azaddırlarmı?  

Yalnız əyani doktorantlar hərbi xidmətdən azaddırlar.  

6. Magistraturada hansı ixtisası bitirən namizədlər qəbul imtahanında ingilis dilini xarici dil kimi seçə bilməzlər?  

Doktoranturaya və dissertanturaya qəbul imtahanı keçirilən hər hansı bir xarici dil (ingilis, alman və ya fransız dili) üzrə aşağıda göstərilən hər hansı bir magistratura ixtisaslaşmasını (filologiya (xarici dil və ədəbiyyat üzrə dilşünaslıq və ya ədəbiyyatşünaslıq), xarici dil və ədəbiyyat müəllimliyi, xarici dil müəllimliyi və tərcümə ixtisasları üzrə ixtisaslaşmaları) bitirən namizədlər doktoranturaya və dissertanturaya qəbul zamanı ixtisaslaşma dilini xarici dil kimi seçə və ixtisaslaşma dili üzrə beynəlxalq sertifikat təqdim edə bilməzlər:  

• 060102 Dil və ədəbiyyat müəllimliyi 
  • Dil və ədəbiyyatın tədrisi metodikası və metodologiyası (ingilis, alman və ya fransız dili və ədəbiyyatı)  
• 060103 Xarici dil müəllimliyi  
  • Xarici dilin tədrisi metodikası və metodologiyası (ingilis, alman və ya fransız dili) 
• 060201 Filologiya
  • Ədəbiyyatşünaslıq (ingilis, alman və ya fransız ədəbiyyatı) 
  • Ədəbiyyatşünaslıq (Amerika və Böyük Britaniya ədəbiyyatı) 
  • Ədəbiyyatşünaslıq (xarici ölkə xalqlarının ədəbiyyatı, Amerika ədəbiyyatı)  
  • Dilşünaslıq (ingilis, alman və ya fransız dili)  

• 060203 Tərcümə 
  • Tərcümə (ingilis, alman və ya fransız dili) 
  • Sinxron tərcümə (ingilis, alman və ya fransız dili)  

Yuxarıda qeyd olunan hər hansı bir magistr ixtisaslaşmasını bitirən namizədlər ixtisaslaşma dili olmayan digər iki dildən birini xarici dil kimi seçməli və həmin dildən qəbul imtahanı verməlidirlər. Digər magistr ixtisaslaşmalarını bitirən şəxslərin xarici dil seçiminə məhdudiyyət qoyulmur, yəni onlar doktoranturaya və dissertanturaya qəbul zamanı xarici dil kimi ingilis, alman və ya fransız dilini seçə bilərlər.

7. Doktorantlar hansı fənlərdən fəlsəfə doktorluğu imtahanları verməlidirlər? 

İxtisas fənni (dissertasiya 2 (iki) ixtisas üzrə hazırlandığı halda həmin ixtisas fənlərinin hər birindən) 

• Xarici dil (ingilis, alman və ya fransız dillərindən biri) 
• Azərbaycan dili (əcnəbi və vətəndaşlığı olmayan iddiaçılar üçün) 

8. Doktorantlar və dissertantlar ümumilikdə neçə məqalə və konfrans materialı çap etdirməlidirlər?  

• Cəmi 5 (beş) məqalə çap olunmalıdır, onlardan 2-si (ikisi) - həmmüəllifsiz olmalıdır. O cümlədən beynəlxalq xülasələndirmə və indeksləmə sistemlərinə (bazalarına) daxil olan dövri elmi nəşrlərdə humanitar və ictimai elmlər üzrə azı 1 (bir) məqalə, dəqiq və təbiət elmləri üzrə azı 2 (iki) məqalə çap olunmalıdır. 
• Respublika və ya beynəlxalq miqyaslı elmi tədbirlərin (konfrans, konqres, simpozium və s.) nəticələri üzrə azı 3(üç) (beynəlxalq elmi tədbirlərin nəticələri üzrə azı 1-i (biri) xaricdə dərc olunmaqla) məruzə və tezislər dərc olunmalıdır.