Ombudsman Mərkəzi 2018-ci il fevralın 9-da “Xəzər Universitetinin Avropa Universitetləri ilə əməkdaşlığı” çərçivəsində yaradılmışdır.

Mərkəzin missiyası tələbələrin öz problemlərini bildirməsi, çıxış yollarının tapılması və problemlərin həll edilməsi üçün məxfi məkanın təmin edilməsidir. Ombudsman eyni zamanda edilən şikayətlərin ümumi oxşar tərəfləri barədə universitet rəhbərliyinə məlumat verir ki, problemlərin təkrarlanmasının yaxud artmasının qarşısı alınsın. Mərkəz, hesabatlılığı və ədalətli yanaşmanı təmin etmək məqsədilə məxfi, qeyri-rəsmi və qərəzsiz şəkildə fəaliyyət göstərir.

Ombudsman Mərkəzi Beynəlxalq Ombudsman Assosiasiyasının Etika Kodeksinə və Fəaliyyət Standartlarına əsasən fəaliyyət göstərir. Bunlar aşağıdakılardır:

• Müstəqillik
• Bitərəflik və Qərəzsizlik
• Məxfilik
• Qeyri-rəsmilik

Ombudsman öz vəzifə və öhdəliklərini icra edə bilmək üçün bir sıra funksiyaları yerinə yetirir. Bunlar aşağıdakılardır:

• Problemləri müzakirə edə bilmək üçün Universitet daxilində müraciət edənləri  hörmətlə yanaşılan, “təhlükəsiz” və “mədəni” məkanla təmin etmək;
• Müraciət edənlərə öz problemlərini aydın izah etməkdə kömək etmək və həll yolları tapmaq;
• Universitetin siyasətini və prosedurlarını izah etmək;
• Müraciət edənləri aidiyyatı mərkəzlərə yönəltmək;
• Özlərinə yardımçı ola bilmələri üçün müraciət edənlərə məsləhət vermək;
• Problemi daha yaxşı anlaya bilmək üçün məlumat toplamaq və problemə başqalarının perspektivindən baxmaq;
• Vasitəçilik funksiyasını icra etmək;
• Mərkəzin missiyasına uyğun olan digər tədbirlər görmək.