Hər hansı bir ixtisas üzrə ali təhsil haqqında diplоmu оlan hər bir şəxs magistraturaya qəbul olmaq hüququna malikdir. Magistraturaya qəbul Dövlət İmtahan Mərkəzi tərəfindən aparılır. Hər hansı bir ixtisas üzrə ali təhsili olan şəxslər Dövlət İmtahan Mərkəzinin keçirdiyi test imtahanlarında iştirak etməklə ümumi müsabiqədən keçir və müsabiqədə yetərincə bal toplamış bakalavrlar magistraturaya qəbul olunurlar.

Magistratura pilləsində həm dövlət sifarişi əsasında (dövlət büdcəsinin vəsaiti hesabına), həm də ödənişli əsaslarla təhsil almaq olar.

Universitetin MBA (Master of Business Administration) proqramı üzrə magistraturasına, hansı ixtisası bitirməsindən asılı olmayaraq, ali təhsil haqqında diplomu olan bütün şəxslər sənəd verə bilərlər. MBA proqramı üzrə təhsil ancaq ödənişli əsaslarla aparılır.

Tələbənin magistraturada təhsil alması Xəzər Universiteti ilə sifarişçi – valideyn, tələbə və ya hər hansı bir müəssisə arasında bağlanan xüsusi müqavilə ilə tənzimlənir.

Qəbul üçün tələb olunan sənədlər:

• Dövlət İmtahan Mərkəzinin test imtahanının nəticəsi
• Əvvəlki diplomların və əlavələrin təsdiqlənmiş surətləri
• Xəzər Universitetinin rəsmi müraciət forması
• Şəxsiyyət vəsiqəsinin surəti

Magistraturaya qəbul prosesi ilə bağlı bütün məlumatları almaq üçün Universitetin Qəbul və Tələbə Şöbəsinə müraciət edə bilərsiniz.

BİZİ İZLƏYİN: