23 oktyabr 2026-cı il tarixində Xəzər Universitetində İnnovasiya və Rəqəmsal İnkişaf Agentliyi (İDDA) ilə birgə “Open Data Talk” görüşü keçiriləcək.

Görüşdə açıq məlumatların (open data) əhəmiyyəti, onların tədris, elmi tədqiqat və innovativ layihələrdə tətbiq imkanları müzakirə olunacaq. İştirakçılar açıq məlumatlardan real layihələrdə və startap ideyalarında necə istifadə etmək mümkün olduğunu öyrənəcək, agentliyin nümayəndələri ilə fikir mübadiləsi aparmaq imkanı əldə edəcəklər.

Görüşə tələbələr, magistrantlar və universitetin əməkdaşları qatılacaq. Tədbir data, süni intellekt və startaplarla maraqlananlar üçün faydalı platforma olacaq.