Xəzər Universiteti Kompüter elmləri departamentinin əməkdaşı Amir Rahmaninin əsas müəllifi olduğu “An intelligent algorithm to recommend percent vegetation cover (ARVC) for PM reduction” adlı məqalə “Springer” beynəlxalq bazasında referatlaşdırılmış “Air Quality, Atmosphere & Health” jurnalında dərc edilmişdir.

Tədqiqatçılar tərəfindən havanın keyfiyyətinin aşkar edilməsi və bitki örtüyünün hava keyfiyyəti üçün zəruri olan sıxlıq faizi və sahəsinin tövsiyə edilməsi məqsədilə qeyri-səlis və neyron şəbəkəsi metodlarına əsaslanan yeni alqoritmin tətbiqinin effektivliyi araşdırılmışdır. Tədqiqatlar payız və qış fəslində hava şəraitinin vaxtaşırı ölçülməsi və qiymətləndirməsi ilə aparılmışdır. Tövsiyə olunan bitki örtüyü sıxlığının PM2.5 göstəricisinin, yəni havanın ölçüsü 2,5 mikrometrdən kiçik olan hissəciklərlə çirklənməsinin 20-74% azalmasına səbəb olması müəyyən edilmişdir.

Məqaləni bu link vasitəsilə oxumaq olar:

https://link.springer.com/article/10.1007/s11869-020-00844-4#auth-2