Xəzər Universitetinin keçmiş bakalavr tələbələri Azər Əlyev və İsfəndiyar Eminlinin universitetin Nanotexnologiya laboratoriyasında apardıqları tədqiqatların nəticəsi olaraq həmmüəllifliklə hazırladıqları fəsillər “Elsevier” Nəşriyyat Şirkətinin çap etdiyi “Functionalized Nanofibers” (“Funksionlaşdırılmış nanofillər”) kitabında dərc olunmuşdur.

Azər Əliyevin həmmüəllifi olduğu fəsil “Superhidrofobik səthlərin reallaşdırılması üçün funksionallaşdırılmış nanoliflər” (“Functionalized nanofibers for the realization of superhydrophobic surfaces”), İsfəndiyar Eminlinin həmmüəllifi olduğu fəsil “Funksionallaşdırılmış nanolif əsaslı dərman ötürmə sistemləri və biosensasiya cihazları” (“Functionalized nanofiber-based drug delivery systems and biosensing devices”) adlanır.

Qeyd edək ki, Xəzər Universitetinin bakalavr pilləsini bitirmiş Azər Əliyev Qarabağ qazisidir. İsfəndiyar Eminli Nanotexnologiya Tədqiqat Qrupunun keçmiş bakalavr üzvüdür və hazırda Kentukki Universitetində (ABŞ) magistratura təhsilini davam etdirir.

Fəsilləri aşağıdakı linklər vasitəsilə oxumaq olar:

https://www.sciencedirect.com/science/article/abs/pii/B9780323994613000170 

https://www.sciencedirect.com/science/article/abs/pii/B9780323994613000066