Vəsaitdə ailənin Azərbycan Respublikası Ailə Məcəlləsi və digər çoxsaylı milli qanunvericilik aktlarında, həmçinin ölkəmizin qanunvericilik sisteminin tərkib hissəsi olan beynəlxalq sənədlərdə nəzərdə tutulan sosial, hüquqi və iqtisadi müdafiə hüququ izahlı və kompleks şəkildə əks olunmaqla hüquqlardan yararlanma və müdafiə mexanizmləri haqda geniş məlumat verilir.

Kitab əsasən dərs vəsaiti kimi nəzərdə tutulsa da, geniş oxucu kütləsinin, xüsusilə yeni ailə quran gənclərin marağını da təmin edir. Kitabla tanış olan hər kəs zəruri hüquqlarını bilməklə peşəkar vəkilin (və ya hüquq müdafiəçisinin) köməyi olmadan hüquqlarını lazımi səviyyədə müdafiə edə bilər.