Xəzər Universiteti Kimya mühəndidliyi departamentinin əməkdaşı Rasoul Moradinin həmmüəllifi olduğu “In silico Investigation on the Inhibiting Role of Nicotine/Caffeine by Blocking the S Protein of SARS-CoV-2 Versus ACE2 Receptor” adlı məqalə “Microorganisms” jurnalında (IF:4.15) dərc edilmişdir.
Tədqiqatın əsas məqsədi COVID-19 pandemiyasının davamlı təhlükəsi və mənfi təsirləri nəzərə alınmaqla, bioaktiv birləşmələrin müalicə təsirlərinin araşdırılmasıdır. Tədqiqat institutları və tədqiqatçılar üçün bu çox önəmlidir. Bu baxımdan Xəzər Universitetinin tədqiqatçıları SARS-CoronaVirus2 ilə mübarizədə kofein və nikotinin inhibitor təsirlərini araşdıran beynəlxalq bir elmi işə qoşulublar.
Bu tədqiqatda elmi yanaşma hüceyrələrin səthindəki reseptorları bloklayaraq, koronavirusun hüceyrələrə daxil olma mexanizmində maneə törətməyə əsaslanır. Koronavirusun səthinə dayanan Spike zülalı (S zülalı) hüceyrənin Anjiyotensini dəyişdirən fermentə (ACE2) yapışaraq, virusun girişinə vasitəçilik edir. Bununla bu yerləri bağlayan uyğun bioaktiv birləşmələri taparaq, koronavirusun hüceyrələrə girişini dayandıraraq, sonrakı infeksiyaya maneə törədir.
Alınan nəticələrə görə, müəyyən bir konsentrasiyada olan kofein və nikotinin S zülalı ilə hədəf sahənin (ACE2) bağlanmasına çox güclü təsir göstərdiyi fikrini irəli sürmək olar.
Məqaləni bu link vasitəsilə oxumaq olar:
Copyright © Xəzər Universiteti, 2025
