Xəzər Universiteti Mevlana Mübadilə Proqramını elan edir! 

Əziz Tələbələr və Müəllimlər, 

2018-2019-cu tədris ili üçün Xəzər Universiteti və Türkiyə Universitetləri arasında nəzərdə tutulan Mevlana Mübadilə Proqramı elan olunub.

Maraqlanan tələbə və müəllimlər 15-21 fevral 2018-ci il tarixləri arasında öz ərizələrini Beynəlxalq Əlaqələr Şöbəsinə təqdim etməlidirlər. . 

Mevlana Mübadilə Proqramının elanı 

Əlavə məlumat üçün: Mevlana Mübadilə Proqramı 

Mevlana Mübadilə Proqramı

Mevlana Mübadilə Proqramı Türkiyə universitetləri və digər universitetlər arasında tələbə və müəllimlərin mübadiləsini həyata keçirən proqramdır. Bu proqram vasitəsilə azərbaycanlı tələbələr Türkiyədə 1 və ya 2 semestr təhsil ala, müəllimlər isə 1 həftə - 3 ay müddətində təcrübə keçə bilərlər. 

Mevlana kimdir?

Proqram görkəmli şair və filosof Mevlana Məhəmməd Cəlaləddinin şərəfinə belə adlandırılmışdır. Qərbdə Rumi kimi tanınan şairin XIII əsrdə yaşamasına baxmayaraq, onun sufizmin duyulduğu əsərləri dövrümüzdə də sevilərək oxunmaqdadır. O “Gəl, kim olursan ol, yenə də gəl” misraları ilə heç bir fərq qoymadan insanları humanizmə səsləmişdir. Mərhəməti, qarşılıqsız və sonsuz insan sevgisi, eləcə də sonsuz səbri təkcə İslam aləminə deyil, bütün dünyada insanlara dərin təsir bağışlamışdır. UNESCO 2007-ci ili - Mevlananın ölümünün 800-cü ilini Rumi ili kimi elan etmişdir. 

Müracət üçün tələblər 

Tələbələr:

• Təhsil aldığı universitetdə assosiativ dərəcə, bakalavr, magistr və ya doktorantura tələbəsi olmalıdırlar.
• Əgər assosiativ dərəcə və ya bakalavr tələbəsidirsə,  2.5/4 bal ortalaması, magistr və ya doktorantura tələbəsidirsə 3.0/4  bal ortalaması olmalıdır
• 50% dil üzrə bal + 50% GPA

İlk tədris ilinin 1-ci semestrində təhsil alan bakalavr dərəcəsinin tələbələri, hazırlıq sinifində oxuyan magistr və doktorantura tələbələri bu proqramdan faydalana bilməzlər.  

Müəllimlər:

• Əvvəlcə bu proqramdan yararlanmamalıdırlar.
• Seçdiyi universitetin tədris dili üzrə kifayət qədər dil biliyinə malik olmalıdırlar. 

Tələb olunan sənədlər

Tələbələr üçün:

1.  Aday öğrenci başvuru formu (şəkillə birgə)

2. Öğrenci bilgi formu

3. Öğrenci başvuru formu (şəkillə birgə)

4. Transkript

5. Dil sertifikatı (Xəzər Universitetinin İngilis dili və ədəbiyyatı departamentindən arayış və ya IELTS, TOEFL)

Müəllimlər üçün:

1. Öğretim elemanı bilgi formu

2. Öğretim elemanı haraketlilik programı

3. CV

4. Gediləcək universitetdə işləmək istədiyi mövzu ilə əlaqəli layihə və məqalələrinin siyahısı

5. Seminarın iş planı

Mevlana mübadilə proqramının broşuru Mevlana mübadilə proqramının təqdimatı Mübadilə imkanları aşağıdakı cədvəldə öz əksini tapır: