Topoloji ifrat keçiricilərdə Majorana fermionlarının meydana çıxma mexanizmləri, onların xarakteristikalarının maqnit sahəsi və spin-orbit qarşılıqlı təsirləri kimi xarici faktorlarla dəyişməsi, bu dəyişikliklərdən kvant informasiya daşıyıcıları kyubitlərin qeyd olunmasında istifadə olunması üçün incə dielektrik təbəqə ilə bir-birindən ayrılan iki s- vəya p-tip ifrat keçiricilərdən hazırlanmış Cozefson kontaktlarından axan cərəyanın spin-orbit təsiri və maqnit sahəsindən asılı olaraq dəyişməsi öyrənilmişdir və baxılan sistemdə maqnit-Cozefson effektinin mümkünlüyü göstərilmişdir.

Rashba- və Dresselhaus spin-orbit qarşılıqlı təsirlərinin 2-ölçülü elektron qazın fiziki xassələrinə təsiri xarici elektrik sahəsi var olan halda dəqiq həll edilmişdir.
Real məkan diaqrammatik üsulu olan Berezinskii diaqrammatik üsulu spin-orbit qarşılıqlı təsirlərinin var olduğu hal üçün tətbiq olunmuş və aşqarların təsadüfü paylandığı 1-ölçülü kvant naqillərində lokalizə olunmuş halların elektron sıxlığı öyrənilmişdir.