Bölmədə kondensləşmiş hal nəzəriyyəsinin məsələləri araşdırılır və tədqiqatın tematik sahələri bunlardır: aşağı ölçülü strukturlarda kvant nəqli, aşağı ölçülü kvant materialları, kvant qraflar və şəbəkələri, kvant texnologiyaları, eləcə də keçirici polimerlərdə yük dinamikasının modelləşdirilməsi. Bundan əlavə bölmədə yeni kəşf olunmuş ifratkeçirici maddələrin mikroskopik və makroskopik Ginzburq-Landau nəzəriyyəsi daxilində araşdırılması, cox zonalılıq və anizotropiya effektlərinin diqqətə alınması məsələləri üzərində tədqiqatlar aparılır. Həmçinin yeni nöqtəvi və uzun Cozefson sistemlərinin dinamikası, kvant bitlər kimi istifadə olunması, bu sistemlərdə solitonların yayılması və frustrasiya effektlərinin təsiri, elektrik sahəsi və Raşba-Dresselhaus spin-orbital qarşılıqlı təsiri nəzərə alınaraq zərrəciklərin fərqli bərk cisim strukturlarında hərəkəti məsələləri nəzəri olaraq öyrənilir.