Xəzər Universiteti tədris ili ərzində müntəzəm olaraq müxtəlif sorğular keçirir.
Tələbə sorğusu
Bu sorğulardan biri də 1993-cü ildən bəri hər semestrdə keçirilən Tələbə Sorğusudur. 2014-cü ildən etibarən sorğu universitetin Tələbə İnformasiya İdarəetmə Sistemi (SİMS) vasitəsilə onlayn şəkildə həyata keçirilir.
Tələbə məmnunluq sorğusu
Bu sorğunun əsas məqsədi 4-cü kurs tələbələrinin Xəzər Universitetində təhsil aldıqları müddətdə tədris keyfiyyətinin qiymətləndirilməsidir. Sorğunun təşkilində məqsəd təhsil proqramlarının təkmilləşdirilməsinə töhfə vermək və universitet tərəfindən verilən təhsilin ümumi keyfiyyətini artırmaqdır.
Xəzər Universitetinin professor-müəllim heyəti və işçi heyəti arasında ümumi məmnunluq səviyyəsinin qiymətləndirilməsi məqsədilə vaxtaşırı sorğular keçirilir. Əməkdaşlarla tədris, tədqiqat, akademik planlaşdırmada iştirak, peşəkar inkişaf imkanları və hər hansı digər müvafiq mövzular üzrə fəaliyyətlərə dair müxtəlif aspektlərdə sorğular aparılır.
Digər tərəfdən, universitet rəhbərliyi və işçi heyəti arasında ünsiyyət, vəzifəyə yüksəltmə meyarları, keyfiyyət mədəniyyəti və s. kimi amillərin qiymətləndirilməsi üçün əməkdaşlar arasında ümumi iş məmnuniyyəti ilə bağlı sorğular təşkil olunur.
İnzibati heyət arasında məmnunluq sorğusu
Professor-müəllim heyəti arasında məmnunluq sorğusu
Sorğu nəticələri
2022/2023-cü il üzrə sorğu nəticələri
2021/2022-ci il üzrə sorğu nəticələri
2020/2021-ci il üzrə sorğu nəticələri
Sorğu anketi ilə bağlı yeni suallarınız, rəy və təklifləriniz varsa, lsotova@khazar.org vasitəsilə bizə müraciət edə bilərsiniz.