Türkiyənin öndə gedən akademik kitab bazalarından olan Turcademy və Hiperkitap məlumat bazalarından 2 aylıq sınaq (trial) istifadə imkanını təqdim edirik. Sınaq müddəti Fevral ayının 15-dən Aprel ayının 15-nə qədər nəzərdə tutulur. 

Məlumat bazaları haqqında qısa məlumatı Sizinlə paylaşırıq.  

"Turcademy" Akademik Kitab Bazası

Turcademy, Türkiyədəki bütün akademik nəşrləri vahid portal altında toplayaraq akademik nəşrləri rəqəmsal formada akademiklərə, tədqiqatçılara və tələbələrə asan şəkildə çatdırmaq və elektron kitab nəşrinə töhfə vermək üçün İnformascope şirkəti tərəfindən hazırlanmış yerli elektron kitab platformasıdır.  

Türkiyənin öndə gedən 20 nəşriyyatı tərəfindən nəşr olunan 10.000-dən çox Türkçə akademik kitab Turcademy akademik bazasında mövcuddur. Turcademy bazasında ictimai və bəşəri elmlər, təbiət, tibb, mühəndislik, incəsənət, hüquq və mədəniyyət kolleksiyalarında minlərcə Türkcə dərslik və akademik kitab istifadəçilərin ixtiyarına verilir.

"Hiperkitap" Akademik Kitab Bazası  

Hiperkitap 27.000-dən çox Türkçə məzmuna sahib Türkiyənin ilk rəqəmsal məlumat bazasıdır. Hiperkitap bazasının portfelinə Türkiyənin Yapı Kredi, Yeditepe, İz, Siyasal Yayın Evi, Ekin, Büyük Doğu, Ezgi, KODLAB, Arıkan, Dharma, Hece Hayat və Eflatun Yayınları kimi aparıcı nəşriyyatlar və ümumilikdə 400-dən çox nəşriyyat daxildir. Hiperkitap , ədəbiyyatdan incəsənətə, riyaziyyatdan informasiya texnologiyalarına qədər 29 kateqoriya üzrə minlərlə kitabın universitetdən kənar istifadəsinə imkan verir.